الم الكتف والتهاب اوتار الكتف من اكتر المشاكل المنتشره بين كل الفئات العمريه يعنى بشوف مرضى عندهم 25 سنه وبيشكو من الم الكتف والتهاب اوتار الكتف ومرضى تانيين عندهم 50 سنه ونفس الشكوى وطبعا فى منهم الرياضى وفى منهم الى مش رياضى يعنى باختصار مالهاش علاقه عضلاتك قويه ولا ضعيفه عشان يبقى عندك الم الكتف والتهاب اوتار الكتف ليها علاقه اكتر بعضلاتك متوازنه ولا لا
كالعاده هقولك شوف الفديو الاول قبل ماتكمل المقال عشان فى حجات فى الفديو مش موجوده فى المقال والعكس صحيح
يعنى ايه كتف متوازن ويعنى ايه توازن عضلى للكتف ؟
زى ماشرحت قبل كده فى مقال الم العمود الفقرى ويعنى ايه توازن عضلى المفروض ان كل العضلات بتاعه العمود الفرى وجسمك متساويه فى القوه والطول والتوتر العضلى من الامام والخلف والجانبين انصحك تشوف المقال لو ماشوفتوش قبل كده
لو طبقنا نفس الكلام ده على عضلات الكتف هتلاقى ان لوح الكتف ماسك فيه عضلات من كل اتجاه تقريبا وكل مجموعه عضلات
بتتوازن مع مجموعه عضلات تانيه
مثلا فى 3 عضلات مسؤله عن دوران لوح الكتف لاعلى لازم يبقو متوازنين مع 3 عضلات تانيين بيلفو لوح الكتف للاسفل لو مجموعه اقوى من مجموعه او التوتر العضلى فى مجموعه اكتر من مجموعه او حتى عضلات قصرت من ماى مجموعه فيهما هيحصل خلل فى وضع لوح الكتف وهيغير مكانه ويحصل الم الكتف والتهاب اوتار الكتف بص الصوره دى لعضلات المجموعتين
كل سهم من الى حضرتك شايفهم ده بيمثل عضله ولازم ال3 عضلات فى مجموعه الدوران لاعلى تبقى متوازنه مع 3 عضلات فى مجموعه الدوران لاسفل عشان مايحصلش الم الكتف والتهاب اوتار الكتف
طيب لوحصل بقى مافيش توازن وضع لوح الكتف هيختلف تماما ويحصل الم الكتف والتهاب اوتار الكتف او زى ماشرحت فى الفديو خنقه الكتف بص الصوره دى
طبعا فى اشكال كتير جدا لعدم التوازن العضلى فى لوح الكتف الى فى النهايه نتيجته الم الكتف بس انا هكتفى بالصوردى بس
فى مجموعتين عضليتين تانيين وهى العضلات الى بتلف الكتف للامام ومقابلهم عضلات بتلف الكتف للخلف بص الصوره دى
وبرده لازم يبقو متوازنين والاهتلاقى حركه الزراع فى حركه منهم اكتر من التانيه بكتير ونتيجه ده هيحصل ان عضمه الزراع الى هى نص كوره دى هتلاقيها طلعت لفوق وخنقت الوتر وفى الحاله دى لوح الكتف مش هو المشكله بس برضه فى النهاية هيحصل الم الكتف والتهاب لوتر الكتف بص للصوره الجايه
اكتر ناس معرضه لالم الكتف والتهاب اوتار الكتف ؟
السباحين والرياضين الى بيروحو الجيم متواصل
دكاتره الاسنان والجراحين
الحلاقين والسواقين
المدرسين
الموظفين ومهندسين البرمجه
اى شخص بيقعد مكور نفسه ومايل لقدام وفى منهم كتير ستات بيوت عشان دايما قعدتهم غلط بص الصوره دى هتبقى وضعيه القعده الغلط والم الكتف ودوران الكتف بصفه عامه مقترن دايما بالم الرقبه وخشونة الرقبة وبنصحك تشوف مقال خشونه الرقبه وتفهم اكتر
مراحل الم الكتف
اول مرحله هى اختناف وتر الكتف
تانى مرحله قطع جزئى فى وتر الكتف
تالت مرحله قطع كلى فى وتر الكتف
علاج الم الكتف والتهاب الاوتار
اول وتانى مرحله لازم حلها علاج طبيعى ولما تعمل علاج طبيعى روح لدكتور علاج طبيعى متخصص فاهم يعنى ايه توازن عضلى ويعنى ايه حافظه كتف ضيقه ويعنى ايه دوران كتف عشان تلاقى نتيجه وتخف بدون جراحه من الم الكتف وخنقه الكتف
ولو الدكتور فاهم هتلاقيك بتعمل جلساتك بدون اجهزه وماتستغربش ان الجلسات مانيوال بدون اجهزه هتجيب نتيجه احسن كتير واسرع كتير والمشكله هتتحل بسرعه اما لو جلساتك عباره عن اجهزه انت حرفيا مابتعملش حاجه وهتفضل تعانى من الم الكتف فتره كبيره جدا لان الاجهزه عمرها ماهتعرجع التوازن العضلى ده تانى الى هيعمل كده الدكتور بنفسه العضلات الضعيفه هتتقويه والى مشدوده هيرخيها وهيحرك الكتف بطريقه معينه عشان يطول حفظه الكتف تانى باختصار انسى الاجهزه
تالت مرحله جراحه المريض هيخش جراحه وبعد الجراحه هيعمل علاج طبيعى وهكرر تانى لو هتعمل علاج طبيعى اجهزه قلته احسن
هل فى حالات خفت عن طريق التوازن العضلى ده ؟
ادخل اقرى المقال بتاع مرضى خفو من الغضروف وشف المرضى الى صورنا معاهم والرفيوهات واراء المرضى بعد ماخفو وتقدر تدخل على صفحه المركز على الفيس بوك تقرى الرفيوهات دى براحتك هتلاقيهم اكتر من هنا بكتير هنا انا حاطط عدد بسيط من الاراء
واخيرا لو عندك الم فى الكتف ومش عارف تحله تقدر تنورنا فى المركز وانشاء الله هنحل مشكلتك
فرع القاهره مدينه نصر 53 ش هشام لبيب لمعرفه الموقع بالتفصيل اضغط على كلمه الموقع
للحجز والاستعلام عن طريق التلفون اضغط على الزرار الازرق هيظهر رقم التلفون
فرع المنصوره المنصوره امام مسجد السلام لمعرفه العنوان بالتفصيل اضغط على كلمه الاتجاهات
للحجز والاستعلام عن طريق التلفون اضغط على الزرار الاخضر هيظهر رقم التلفون