مشاكل العمود الفقرى من اكتر المشاكل الى انتشرت مؤخرا ودايما الغالبيه عندهم اعتقاد ان دى امراض مزمنه مالهاش علاج وبتبقى نتيجه السن الكبير وعلاجها المسكنات تفضل ماشى عليها على طول لحد ما معدتك تبوظ او انك تعمل جراحه وكلنا شفنا حالات من قرايبنا ومعارفنا عملو جراحه بالذات جراحات العمود الفقرى والمشكله زادت ماتحلتش او لو اتحلت يبقى حل مؤقت وبعد كام سنه يرجع يظهر الالم تانى واعنف من الاول باختصار شديد مالهاش مالهاش علاج وده طبعا اعتقاد خاطىء تماما وتقدر تتأكد انه اعتقاد خاطىء لما تقرى المقال كامه وتفهم المشكله وتقرى بعديه مقال مرضى خفو من الغضروف وتشوف الحالات الى اتعالجت بنفسك
فى السنين الاخيره الحمد لله عن طريق العلاج الطبيعى قدرنا نعرف ليه المشاكل دى بتظهر وايه سببها وطبيعى طالما عرفنا السبب هيبقى العلاج سهل وده ياخدنا للنقطه المهمه
سبب مشاكل العمود الفقرى ايه؟
والاجابه باختصار ان جسمك مش متوازن ومافيش توازن عضلى وهنا يبقى السؤال الاهم
يعنى ايه توازن عضلى ؟
عشان تفهم يعنى ايه توازن عضلى بص الاول على الصورتين دول
اول صوره هتلاقى ان فى هيكلين الاول الكتفين الاتنين على نفس الخط والوسط اليمين والشمال على نفس الخط والركبتين قصاد بعض على نفس الخط واخر حاجه الكعب قصاد الكعب وده معناه باختصار ان كل جسمك من المنظر الامامى متوازن وكل عضمه فى مكانها والعضلات فى النص اليمين متوازنه مع الى العضلات فى النص الشمال عشاك كده الهيكل ده مايبقاش عنده اى الم عكس التانى الى كل عضمه فى مكان مختلف عن الى زيها فى النص المقابل وده طبعا هيأدى فى النهايه الى كل الم فى اغلب مفاصل الجسم لان الجسم فى الحاله دى بيبقى عامل زى موتور كبير بس بدل ماكل التروس بتتحرك بسهوله ومع بعض فى تناغم لا بقت كل التروس بتخبط فى بعضها وفى الحاله دى الجسم هيشتكى بطريقته وهو تصدير الالم عشان توقف حركه
الصوره التانيه
وفى الصوره دى هنلاقى ان اول هيكل الى مكتوب تحته متوازن هتلاقى العمود الفقرى واخد منحنيات بسيطه وفى خط جاى من فوق ماشى وسط الفقرات القطنيه ونازل على نص الفخذ بالظبط نفس الخط ده هتلاقيه مختلف فى كل هيكل تانى هتلاقيه خلف الفخذ ممكن وراه جامد او وراه حاجه بسيطة وهتلاقى المنحنيات البسيطه فى العمود الفقرى ياما زادت جدا او ختفت وده معناه ان العضلات الاماميه والخلفيه مش فى حاله توازن وبرده هتحس بالم ويبدأ جسمك يشتكى
فى 3 عناصر بنقيم بيهم العضلات عشان نقول ان الجسم متوازن
القوة : لازم قوه العضلات فى الجنب اليمين تبقى نفس قوه العضلات فى الجنب الشمال ولازم قوه العضلات من قدام تبقى بقوه العضلات من الخلف
التوتر العضلى : وده عباره عن درجه قساوه او تحجر العضلة ود هيعرفها كويس الناس الى بتشتكى من رقبها هتلاقى عضلات الكتف متخشبه ومتحجره جدا
عكس حالات الشلل مثلا الى العضلات فيها فى الفتره الاولى بتبقى مرخيه كانها جيلى فالمفروض العضلات من الامام والخلف والجانبين درجه التوتر العضلى تبقى وسط وقد بعض عشان مايحصلش مشاكل والم
طول العضلة : وطبعا الغالبيه هتستغرب ان العضلات بتقصر بتبقى مولود طبيعى ونتيجه لوضع غلط لفتره طويله بتقصر والدليل على كده ان لو شفت اى طفل ايده اتكسرت عند الكوع واتجبست فترة مابيبقاش عارف يفرد ايده ده نتيجه اولا التيبس ثانيا ان عضله الباي قصرت وعشان دماغك ماتروحش لبعيد طبعا احنا كعلاج طبيعى مش ماسكين مازوره نقيس طول العضله كل واحد جسمه مختلف عن التانى فالقياس عن طريق اختبارات اثناء الكشف بنحكم بيها اذا كان العضله فى طولها الطبيعى ولا لا وتقدر تبحث عن الموضع ده على (muscle length test)جوجل لو بحثت على
الى بيخلى العضله تقصر ان مع الوقت والقعده الغلط الالياف العضليه تفقد المرونه بتاعتعها وتبدأ تاخد نفس الوضع الى المريض بيشتغل فيه لساعات كل يوم لو لسا مستغرب ان العضلات بتقصر وخصائصها بتتغير هديك مثال قريب جايز المعلومه توضح ولو ماوضحتش انا هشرحها فى فديوهات كده كده قدام
لو حضرتك بتاكل لحمه الى هى العضلات بتروح للجزار بتبقى حريص ان تجيب لحمه صغيره ليه عشان اللحمه الصغيره طريه ده معناه التوتر العضلى متوازن وواللحمه الصغيره مش بتكش وهى بتستوى ده معناه ان اللحمه المرونه بتاعتها كويسه جدا وماقصرتش عن قبل كده عكس اللحمه الكبيره الى بتضمر وتكش وهى بتستوى ولما تاكلها بتحسها ناشفه ومابتبقاش حلو وطبعا
الخلاصه خصائص العضلات بتتغير وطبعا لو اى عضله من الامام او من الخلف او الجانبين طولها اتغيرت خصائصها وقصرت هيحصل مشكله وهتغير وضع العضم وتبدأ تحس بالم
اعتقد كده بدأت تفهم شويه يعنى ايه توازن عضلى وجسم متوازن لو لسه مش فاهم اوى الامثله الجايه دى هتوضح لك كتر
كل مفصل فى جسمنا لازم تبقى العضلات حواليه متوازنه عشان المفصل يتحرك بسهوله ومايبقاش فيه عائق للحركه عدم التوازن ممكن يحصل فى مفصل واحد او كذا مفصل وممكن يحصل للجسم كله وطبعا هيشترح كل ده فى مقالات وحلقات مفصله جايه بازن الله
اول مثال معانا لعدم التوازن العضلى
(upper cross syndrome)متلازمه المقص العلوى
هتلاقى فوق ال 70 مليون مقال بص للعدد المتظلل باحمر فى الصوره الجايه وطبعا اى حاجه بقولها تقدر تبحث (upper cross syndrom)لو بحثت على جوجل على اى كلمه او مشكله بقولها بنفس الطريقة
عشان تفهمها صح بص للصوره الجايه دى (upper cross syndrome)متلازمه المقص العلوى او
فى متلازمه المقص العلوى زى الصوره الى فوق هتلاقى عضلات الرقبة الاماميه ضعيفه والخلفيه قويه جدا وهتلاقى التوتر العضلى فى الاماميه بسيط وفى الخلفيه قوى جدا عشان كدا اغلب الناس الى بتشتكى من رقبتها بتحس انعضلات الرقبة من الخلف متحجره
نفس الكلام بالنسبه لعضلات الصدر من الامام قويه وعضلات الصدر من الخلف ضغيفه جدا عكس الى الرقبه عشان كده بيبقى فى اتب بسيط وطبعا كل الى عنده المتلازمه دى هيبقى فى الاشعه عنده غضروف وخشونه بالذات خشونه وهياخد مسكنات الدنيا والالم مش هيخف لان المشكله عنده فى العضلات حتى لو عمل جراحه الوضع مش هيتحسن اوى ولو اتحسن فتره بسيطه وهيرجع الالم يحس بيه تانى عشان كده بنقول العلاج مش جراحه او ادويه الجراحه بتبقى فى حالات معينه هتكلم علييها بالتفصيل
(flat cervical curve)استقامه الفقرات العنقيه
فى استقامه الفقرات العنقيه هتلاقى منحنى الفقرات اختفى تماما وفى الحاله دى هيبقى المشكله غضروف وهنا هيبقى كل حاجه عكس الحاله الى فوق هتلاقى العضلات الضعيفه بقت قويه والقويه بقت ضعيفه والمريض هيشتكى من كل اعراض الغضروف الم بقى وزغلله فى العين وصعوبه فى النوم وطبعا برده انا اتكلمت على المشكله دى فى حلقه لوحها تقدر بردو تشوفها من هنا
وطبعا لو بصيت للصوره الجايه هتعرف الفرق بين الكرف او المنحنى الطبيعى للرقبه وبين لما المنحنى او الكرف ده يقل ويبدأ بقى الم الرقبه والدراع والتنميل والزغلله ووجع الفك ليله كبيره كده سعاتك وبرده كل الناس بتسيب اصل المشكله وتروح تتعالج غلط يادويه يامسكنات وفى النهايه مافيش نتيجه واغلب المرضى بيعيشو بالالم ده اغلب حياتهم وطبعا شرحت المشكله دى فى فديو ومقال بيتكلم عن غضروف الرقبة تقدر تشوفه من هنا
(lower cross syndrome) متلازمه المقص السفلى
طبيعى طالما فى متلازمه المقص العلوى هيبقى فيه متلازمه المقص السفلى ولازم تعرف ان ترجمه ودى بيحصل فيها عدم توازن عضلى زى الى فوق بالظبط بس عند منطقه الوسط والعمود الفقرى بص للصوره ده الاول
وده معناه ان عضلات ضهرك قويه عكس الى فى دماغك ومشدوده جامد وعضلات بطنك ضعيفه والعكس تحت عضلات وسطك من وره ضعيفه وعضلات وسطك من قدام قويه ومشدوده وطبعا هنكلم عن المشكله دى بالتفصيل فى فديوهات ومقالات بس عايز اقولك تفصيله صغيره
اول حاجه انه دى دكاتره العظام بيقولو عليها خشونه الفقرات وطبعا عندنا كدكاتره علاج طبيعى بنقول عليها متلازمه مقص سفلى والاتنين صح العلاج الطبيعى بيقيمها من منظور العضلات والعظام بقيمها من منظور العظم فهتبقى بالنسباله خشونه
التفصيله الاهم والخطر ان المشكله ده بتتميز باهم عرض وعلامه الى هى الالم هيظهر لما المريض يمشى او يقف والالم ده يختفى تماما اول لما المريض يوطى او يقعد دقيقه ساعتها الالم يروح ويكل مشى او وقفه فتره لحد مايتعب تانى هيضطر يوطى او يقعد وبيفضل كده تقريبا طول ماهو تعبان
وطبعا هنتكلم عن المشكله دى بالتفصيل فى حلقه ومقاله لوحدها تابعنا على الصفحه والموقع
(flat back)استقامه الفقرات القطنيه
استقامه الفقرات القطنيه برضو بتحصل نتيجه عدم توازن العضلات فى مستوى الحوض والفقرات القطنيه وهنا بيحل كل جاجه عكس متلازمه المقص السفلى بص للصوره الجايه
هنا هتلاقى ان الكرف الى المفروض موجود فى الفقرات القطنيه مختفى وبقى مستقيم وده نتيجه ان عضلات البطن قصرت واقوى من عضلات الضهر والعكس تحت عضلات الحوض من قدام اضعف كتير من عضلات الحوض من الخلف فى الحاله دى هيحصل ان المنحنى بتاع الفقرات القطنيه هيتغير ويختفى
وهنا هيحصل الغضروف وطبعا اعراض الغضروف معروفه منها الم فى الرجل سواء من قدام او من الخلف الى بنقول عليه عرق النسا وتنميل والم فى الضهر وكل ده اتكلمنا عليه بالتفصيل تقدر تشوف المقال والحلقه من هنا
(scoliosis)اعوجاج العمود الفقرى الجانبى
المشكله دى غير اغلب المشاكل الى فاتت سواء خشونه او غضروف او متلازمه مقص علوى او سفلى كل الى فات كان مافيش توازن بين العضلات الاماميه والعضلات الخلفيه
المره دى مافيش توازن بين العضلات الجانبيه اليمين والعضلات الجانبيه الشمال مع العضلات الاماميه والخلفيه وطبعا مشكله الاعوجاج من المشاكل الكبيره جدا وعلاجها بياخد وقت طويل من6 شهور ل سنه وليه درجه معينه لزاويه الانحراف لو زادت عنها يبقى جراحه واغلب مشاكل الاعوجاج بتبقى عن البنات خاصه الصغيره قليل لو جت للولات نسبه حدوث المشكله 9:1 من كل عشر حالات هيبقى حاله واحده ولد و9 حالات بنات وهنتكلم عنه بالتفصيل قدام وله سلسه حلقات ومقالات جايه انشاء الله
(rounded shoulder)دوران وتحدب الكتف
مشكله تدوير الكتف ان بيحصل بسبب عدم توازن عضلات الصدر الاماميه مع عضلات الظهر الخلفيه فالنتيجه بتبقى دوران الكتف وطبعا ده بيحصل لكل الى بيشتغلو فترات طويله وهما قاعدين على الكمبيوتر او الى بيتشغلو اعمال مكتبيه او حتى الى بيروحو الجيم وتلاقيه بيقوى العضلات الاماميه للصدر اكتر من الخلفيه
(supraspinatus tendon)المشكله بتحصل لما الوتر الموجود جوه الكتف واسمه
بيضغط عليه من الجزء البارز من لوح الكتف نتيجه ان لوح الكتف وضعه مش مظبوط فالنتيجه بتبقى التهاب وتر الكتف فى الاول لو المشكله فضلت مستمره هيحصل مزق فى الوتر لو المشكله استمرت بدون علاج طبيعى هيحصل قطع كامل فى الوتر وساعتها لازم جراحه وتبدأ تعمل علاج طبيعى بعد الجراحه
وطبعا برده هتكلم بالتفصيل عن مشاكل الكتف قدام
خشونه الركبه وغضروف الركبة
طبعا من اهم المشاكل الى بتحصل نتيجه عدم التوازن ده هى مشاكل الركبه والم الركبة خاصه الخشونه والغضروف الطبيعى ان الركبه بتبقى على نفس الخط الواصل من الحوض للصابع التانى من القدم عشان يبقى الحمل متوزع صح فى الركبه زى الصوره دى كده
فى الصوره الاولى الخط مظبوط من الحوض للركبه للصوابع
الصوره الوسطى الركبه داخله جوه بعد الخط وده معناه الم فى الجهه الخارجيه للركبه وخشونه
الصوره الاخيره الركبه طالعه بعد الخط وده معناه الم فى الجهه الداخلية للركبه وغضروف
كعلاج طبيعى نقدر نعالج الكلام ده عن طريق توازن عضلات الركبه الاماميه والخلفيه مع عضلات الحوض بس لحد زويه معينه لو الانحراف وصلها بيبقى التدخل الجراحى افضل وطبعا هتكلم عن الكلام ده بالتفصيل برضه قدام فى حلقات ومقالات
وبرده عشان المقال مايبقاش طويل قوى قدام هتكلم عن مشاكل القدم والمرفق واغلب مفاصل الجسم من وجهه نظر العلاج الطبيعى
اخر حاجه هقولها فى المقال عزيزى القارىء او المريض ان ده مش كلامى ده كلام استاذ دكتور مخ واعصاب مالقاش الاجابه عنده وكان مستغرب ليه الناس بتتعب اصلا وتتألم ويجلها غضروف وقرر يدخل علاج طبيعى ويكتشف ايه المشكله وفعلا قدر يعمل تجارب على اكتر من 20 الف مريض لحد ماوصل للحل الدكتور ده اسمه فلاديمير جاندا
اتمنى فى النهايه انك تكون فهمت ولو جزء بسيط يعنى ايه توازن عضلى وشوف الحلقات وباقى المقالات عشان تفهم اكتر مشكلتك وعلاجها العزاب الى اغلب الناس فيه
هل فى حالات بتخف عن طريق التوازن العضلى ؟
تقدر تشوف مقال مرضى خفو من الغضروف لو عايزتشوف حالات خفت بدون ادويه او جراحه شوف الفديوهات وبعدين شوف الرفيوهات وده عدد بسيط عايز تكمل باقى المرضى هتلاقى عندك كلالمرضى على صفحه الفيس بوك قايلين رأيهم بعد الجلسات واثناء الجلسات تقدر تدخل تشوفهم برضه وتعرف ازاى رجعو لحياتهم بدون ادويه او جراحه
واخيرا لو عندك اى مشكله تواصل معانا
فرع القاهره مدينه نصر 53 ش هشام لبيب لمعرفه الموقع بالتفصيل اضغط على كلمه الموقع
للحجز والاستعلام عن طريق التلفون اضغط على الزرار الازرق هيظهر رقم التلفون
فرع المنصوره المنصوره امام مسجد السلام لمعرفه العنوان بالتفصيل اضغط على كلمه الاتجاهات
للحجز والاستعلام عن طريق التلفون اضغط على الزرار الاخضر هيظهر رقم التلفون