لو بتشتكى من مشاكل العمود الفقرى زى غضروف الظهر او الرقبه وخشونه الظهر او الرقبه او حتى تزحزح الفقرات يبقى حضرتك محتاج تعرف هل حالتك دى حلها علاج طبيعى ولا جراحه وتفهم حالتك اكتر وتعرف انت محتاج ايه وهل حالتك دى وسبب الالم ده غضروف ولا حاجه تانيه زى الكرفات او العضلات او الفاشيا

اتمنى تشوف فديو الغضروف والرنين لو ماشفتوش لانه هيفهمك حجات كتير فى الفحص ولو شفته قبل كده اقرأ كل الكلام الى موجود فى الصفحه ولو عندك مشكله كلمنا واحجز معاد وانشاء الله هنقدر نحل مشكلتك انشاء الله

فحص اى مريض بيشتكى من الم العمود الفقرى او الغضروف بيتمن من خلال 3 خطوات

الأعراض اولا

فى اسئله بسألها للمريض من خلال الاجابه على الاسئله بقدر اكون فكره بسيطه عن الحاله قبل الفحص زى ايه مثلا

هل الالم بيظهر او بيزيد مع المجهود ؟ولا الالم مستمر علطول حتى لو مافيش مجهود؟ لو الام بيظهر او يزيد مع المجهود فبنسبه كبيره جدا حاله بسيطه وهتتحل ومش هتاخد وقت كتير وبنسبه كبيره جدا الالم مش من الغضروف اصلا ومش شرط حتى يبقى فى اشعه عشان اتأكد ويفضل تتحل بسرعه المشكله عشان الالم بعد كده هيبقى مستمر لو فضلت تاخد مسكنات وخلاص

اما لو الام مستمر ومش مرتبط بمجهود يبقى الحاله مش بسيطه وهنحتاج فحص اكتر واشعه نشوف هل الالم ده من الغضروف او غيره طيب لو الام مستمر وبيخلى المريض مش بينام او لو المريض نام وراح فى النوم الالم يخليه يصحى من احلى نومه كده حاله اصعب ولازم فحص بعنايه اكتر ولازم مع الفحص يتشاف رنين ماعداش عليه 6 شهور

ده جزء بسيط من الاسئله فى اسئله كتير بتتسال وبتعرفنى الحاله اكتر .شكوه المريض من الالم من امتى؟ والالم فى ضهرك ورجلك؟ ولافى ضهرك بس ولا فى رجلك بس؟ ولو فى الرجل رجلك الاتنين ولا رجل واحده ؟ وهل فى وضع معين الالم بيزيد فيه ولا كله زى بعضه مرضى كتير تقولى مثلا الالم بيزيد وانا قاعد لما اقف شويه او امشى ارتاح

لو المشكله فى الرقبه بردو هل الالم فى الرقبه بس ولا الرقبه والكتف ولا الرقبه والكتف والايد ولو فى الم فى الايد فى ايدك الاتنين ولا ايد واحده ؟ وايه الوضع الى الام بيزيد فيه وايه الوضع الى الالم بيقل فيه

كل ده لو عرفته بيفدنى جدا فى رسم صوره للحاله بدقه قبل الرنين

الفحص ثانيا

بعد ماسمعت من حضرتك الاعراض نشوف الفحص انا لما بفحص حضرتك بفحص الحركه بتاعتك وبعمل اختبارات تساعدنى فى فهم الحاله يعنى نفترض المريض مثلا بشتكى من الفقرات القطنيه بطلب من المريض يوطى لقدم

على حسب هو بيوطى ازاى بكون فكره عن حالته يعنى لو المريض وطى زى الصوره رقم واحد المريض هنا وطى للاخر حتى لو فى الم اثناء ماهو بيوطى او اخر ماهو بيوطى المهم المريض وطى وادى الحركه مظبوط فبنسبه بكبيره بستبعد ان يكون الالم سببه العضروف وهيبقى المشكله بنسبه كبيره هتتحل بالعلاج الطبيعى

اما لو المريض وطى زى الصوره رقم 2 فى الحاله دى المريض مش عارف يوطى او بيوطى بالفقرات الصدريه ومش عارف يحرك الفقرات القطنيه فى الحاله دى بنسبه كبيره المشكله هتبقى سببها الغضروف وهيلزم فحص اكتر عشان اعرف هل هتتحل علاج طبيعى ولا جراحه

طبعا هنا خدت حركه واحده وهى المريض يوطى لقدام المفروض بشوف باقى الحركات كلها زى المريض يرجع بضهره للخلف ويوطى على الجنب اليمين والجنب الشمال واشوف الالم فى كل الحركات ثابت ولا بيزيد مع الحركه ولا بيزيد فى اخر الحركه ولا مش موجود وبعد ماشوف كل الحركات نروح للاختبارات

وده ياخدنا لاختبار مهم جدا جدا جدا كل دكاتره المخ والاعصاب والعظام والعلاج الطبيعى بيعملوه ومهم جدا جدا فى تحديد حاله المريض وهو انى بقول للمريض ينام على ضهره ويرفع رجله الى بتوجعه وركبته مفروده لفوق لو المريض رفعها زى الصوره رقم 1 وكان الالم فى الاخر او حتى الالم موجود من الاول بس قادر يرفعها ده معناه ان المشكله بسيطه انشاء الله وهتتحل علاج طبيعى

اما لو المريض مش قادر يرفع رجله او حتى رفعها لزاويه 30 درجه ومش قادر يكمل زى الصوره الجايه فده معناه ان المشكله بنسبه كبيره جدا غضروف ولازم يتعمل فحوصات اكتر وهساله عن حجات تايه كتير واشوف اشعه ماعداش عليها 6 شهور عشان يتحدد هل هيبقى علاج طبيعى ولا جراحه

وماخبيش عليك لو المريض الالم مستمر ومش عارف يوطى ولما بيرفع رجله مش قادر يرفعها وحتى لو رفعها بيرفعها اقل من 30 درجه واشوف الاشعه الاقى غضروف كبير والمريض فى الوضع ده بقاله فتره كبيره فكده بنسبه كبيره بيحتاج جراحه بنسبه 50% دايما بقول للمريض ده هنشتغل مع بعض 4 او 5 جلسات لو الالم بدأيهدى هنكمل علاج طبيعى لو ثابت والحاله زى ماهى هتبقى جراحه وعايز الفت نظرك لحاجه اغلب المرضى دول لو الالم فى رجل واحده بنسبه كبيره بتتحسن والموضوع بيمشى لو الالم فى الرجلين بيبقى الموضع صعب

اما لو المريض عنده سقوط قدم او عدم تحكم فى بالبول او عجز جنسى بيتحول علاج طبيعى على طول مش محتاجين ساعتها نجرب العلاج الطبيعى لازم يتحول جراحه فورا ولو جراحه هقولك ايه افضل طريقه للجراحه معاك لان فى طرق كتير ومش كلها بتنفع لكل الحالات

الأشعه ثالثا

بعد ما سمعت الاعراض وشوفت الفحص وعملت الاختبارات وكونت فكره عن الحاله المريض يجى دور الاشعه للتأكيد الى فى دماغى

واشوف فيها الكرف عامل ازاى والغضروف حجمه ايه؟ واتجاهه ايه ؟ وهل حجم الغضروف ده متوافق مع الفحص ولا لا ؟ وحجات تانيه كتير

عشان كده عزيزى المريض فحص الاشعه بس هيضلل لان كده كده الاشعه فيها غضروف زى ماشرحت قبل كده فى حلقه الغضروف والرنين اهم حاجه حركه المريض واخباراته تقريبا فى 6 اختبارا تانيين بيتعملو فى الكشف غير فحص العضلات لو اغلب الاختبارات دى كويسه حتى لو الاشعه فيها غضروف بنسبه كبيره هتتحل علاج طبيعى

وهتبقى المشكله من العضلات او الكيرفات

ولوالمشكله سببها العضلات كل العضلات الى ممكن تبقى عامله المشكله بتتفحص ويتعرف اي عضلات قصيره واى عضلات ضعيفه واى عضلات متيبسه عشان اقدر احط خطه العلاج صح وطبعا الكلام ده اتشرح قبل كده فى مقال اسمه يعنى ايه توازن عضلى تقدر تشوفو فى الموقع

برده فى حاله المرضى الى بيشتكو من مشاكل الرقبه بشوف الاعراض واعمل اختبارات واشوف حركه الرقبه عامله اذاى والام بيظهر والمريض بيحرك رقبته فى نص الحركه ولا اخر الحركه ولا فى اول الحركه وبعد كده بشوف الاشعه وبردو ببقى مكون فكره عن الحاله من قبل مااشوف الاشعه باكد حاله المريض بالاشعه مش بشخص بالاشعه

الهدف من الكشف والعلاج اية؟

الهدف من الكشف

تحديد مشكله المريض بالظبط هل هى من الغضروف ولا من العضلات ولا من الكرفات ولا الفاشيا عشان لو حددت المشكله صح هقدر احط خطه العلاج صح وتتعالج صح وماتفضلش تدور فى دايره مغلقه وتكشف كل شويه عند تخصص شكل ودكتور شكل ومش عارف توصل لحل والالم كل شويه بيزيد زى ماشرحت فى كل الحلقات قبل كده اتمنى تشوفهم كلهم

وخلى بالك عزيزى المريض الكشف مش اشعه بس عشان فى مرضى متخيله لما ابص على الاشعه بس هعرف الحاله ايه من الاشعه لازم لازم فحص هكرر تانى لازم فحص من دكتور فاهم واختبارات مظبوطه تحدد المشكله

والعلاج الطبيعى مش كهربه واجهزه وده قولتو فى كل الفديوهات لازم بنشتغل يدوى والقصد من العلاج الطبيعى اليدوى مش مساج وخلاص لا لازم يتعمل اعاده توازن لعضلات المنطقه الى بتشتكى منها هكرر تانى شوف مقال يعنى ايه توازن عضلى

اما الهدف من العلاج

سواء علاج طبيعى او حتى جراحه هما حاجتين اول حاجه الالم يروح ويختفى تانى حاجه الحركه تتحسن مبنفعش الالم يروح والحركه لسه ماتحسنتش الاتنين لازم يبقو مع بعض لان لو الام بيروح بس والحركه ماتحسنتش هيرجع الالم يرد تانى اغلب المرضى وانا بتابع معاهم لازم مع زوال الالم يقول حاسس ان اخف من الاول كتير وحركتى سريعه وبوطى كويس وبشتغل كويس بدون الم عكس الاول كنت حاسس انا بطئ وحركتى بطيئه وحاسس انى كبير فى السن حتى لو المرض عند 30سنه وطبعا ده هشرحه بالتفصيل قدام ليه الاحساس ده فى فديوهات جايه

واخير بالنسبه للمرضى الى عملت علاج طبيعى وماخفتش سبب ده ياما حضرتك كنت بتعمل علاج طبيعى كهربه واجهزه وده مالوش لازمه او حضرتك كنت عند دكتور مش متخصص فى الحته دى وعمال تعد فى جلسات فى الفاضى وده مش عندنا لان المريض عندنا بيبدأ يحس بتحسن من اول الجلسه الرابعه او الخامسه

عشان كده لو حضرتك مريض عمود فقرى واتشخصت غلط او عملت علاج طبيعى غلط او ماعملتش اى حاجه ومحتار فى مشكلتك ومش لاقى حل وعايز تشخيص سليم وعلاج سليم سيب تقدر تحجز معاد عن طريق التلفون وتقدر تشوف الرفيوهات وتتجول عندى فى صفحه الفيس بوك او تتجول فى الموقع فى حجات كتيره فى الموقه ماقولتهاش على الصفحه ولا فى الفديوهات و هتستفاد وعرف اكتر عن حالتك